 |
|  |
| ترکمنلرنینگ اوتمیش تاریخی باره سیده اونچه لیک اثر قولده یوقلیگی ایتیله دی |
اوشبو کتاب ده اساسآ تورکمن ملیتی نینگ قراقویونلو و آق قویونلو سلاله لری نینگ قنده ی اورته گه کیلیشی، اولرنینگ کوچلی و ضعیف تمانلری و سونگیده ایسه تورکمنلرنینگ عصرلر بوییچه قنده ی انقراض گه يوز توتيشي باره سيده بحث ایته دی
اوشبو کتاب نی اوقیش بیلن تورکمنلرنینگ اصل کوچ ایلدیزی و عصرلر آلدين گی سلطنتلر ده گی سیاسی، حربی، مدنی و اجتماعی اورينلرینی قيسقه بیر شکلده اورگه نیش ممکن
کتاب ده، تورکمن لرنینگ مغوللر، تیموریلر و بابری لر بیلن بولگن علاقه لری و شونینگدیک اوتمیشلرده گی دولت ارباب لری نینگ کیملیگی و اوتمیش وضعیتلری هم کیریتیلگن
کتاب یازوچی سی عبدالله کارگر نینگ ایتیشیچه تورکمنلر اوزاق مدتلی بیر تاریخ گه ایگه بولیب، اما اولرنینگ قیلگن حاکمیتی، عرف و عادتلری و یشم طرزلری، نه اوتمیش ده و نه ده حاضرگي کونده دییرلی یاریتیلمه گن
شو یوزدن کارگر جنابلری اوز کتابینی یازیش پیتیده، تورکمنلر باره سیده گی تاریخی منبع و قیناقلرنی تاپیشده انچه قینه لگنی حقيده سوز یوریته دی
کارگر جنابلری افغانستان ده گی (بويورتمه) دولتی تاریخلر، جمله دن مکتب لرده درس بیریله یاتکن تاریخ کتابلری کوپگینه کمچیلیکلرگه ايگه ايكني حقيده سوزیوریتیب و مملکت ده بیر نیچه عصر حاکمیت سورگن تورکتبارلر تاریخیدن کوز یومیلگن دیب ایته دی
| اونوتیلگن تاریخ   تیموریلر سلطنتی آخريدن، احمد شاه درانی نینگ حکومتی باشله نیشیگه قدر( 1501 – 1747 میلادی) دولتی تاریخلرده بیر یپراق هم یازیلمه گن. مثال بیلن ايتگنده ، ابو سعید نینگ اوغلی اولوغ بیک 37 ییل کابلده سلطنت سورگن و بیر قطار قوریلیش ايشلر ني عملگه آشيرگن، جمله دن پغمان باغی، استالیف باغی کبی بویوک باغلرني قوريب و شو منطقه ده پادشاه لیک قیلگن و شونینگدیک کابل ده حیات دن اوتگن، اما افغانستان نینگ دولتی تاریخیده شولرنی هیچ بیریسیدن بحث ایتیلمه گن  |
" تیموریلر سلطنتی آخريدن، احمد شاه درانی نینگ حکومتی باشله نیشیگه قدر( 1501 – 1747 میلادی) دولتی تاریخلرده بیر یپراق هم یازیلمه گن. مثال بیلن ايتگنده ، ابو سعید نینگ اوغلی اولوغ بیک 37 ییل کابلده سلطنت سورگن و بیر قطار قوریلیش ايشلر ني عملگه آشيرگن، جمله دن پغمان باغی، استالیف باغی کبی بویوک باغلرني قوريب و شو منطقه ده پادشاه لیک قیلگن و شونینگدیک کابل ده حیات دن اوتگن، اما افغانستان نینگ دولتی تاریخیده شولرنی هیچ بیریسیدن بحث ایتیلمه گن " دیدی یازوچی عبدالله کارگر
اما جناب کارگر اوشه دورده گی ایرکین تاریخچیلر کتابلریده جمله دن غلام محمد غبار، پوهاند عبدالحی حبیبی، کهزاد و محمد صدیق فرهنگ کبی یازووچیلر نینگ کتابلریده ایسه تورکتبارلرنینگ تاریخی نهایت طرفسیزلیک بیلن یاریتیلگنیدن سوز یوریته دی
58 یاشلیک عبدالله کارگر اوتیز ییلدن کوپراق عمرینی افغانستان مدافعه وزیرلیگی ده صرفله گن و جنراللیک رتبه سیگه چه ایریشگن
جناب کارگر سونگی اون ییلدن بویان حربی فعالیتلرینی توخته تیب، تاریخی کتابلر یازیش بیلن شغلنه دي. حاضرگه چه اون جلدکتاب نی تآلیف ایتکن و کتاب لرينی ایسه اساسآ دری تیلیده یازه دی
)بر سکوی شهادت، شرح مجموعۀ گل، شهنشاه سخنور، امیر دانشمند، آزاده مرد شاعر، اندیشمند پیشتاز، عهد تیموریان هرات، شهر سلاطین، تیموریان، شخصیت فرهنگی ظهیرالدین محمد بابر و تاریخ درخشش ترکمنان( کتابلری اونینگ اساسی تآلیفاتی سنله دی
اوشبو کتابلر اساسآ تیموریلر، بابریلر و غزنویلر نینگ سلطنتی و اوشه دوره لرده گی سیاسی، اجتماعی و فرهنگی وضعیتلردن بحث ایته دی
جناب کارگر، حاضرگه چه یازگن کتابلری برچه سینی شخصی یاردملر بیلن چاپ ایتیب، اوقوچیلریگه تقدیم ایتکن لیگی خصوصيده سوز یوریته دی
Geen opmerkingen:
Een reactie posten