 |
|  |
| چومچوقچه، باله لراوچون یازیلگن اوزبیک تیلیده گی ایلک کتابلردن سنله دی |
کتابده گی اونته حکایه وایرتک جمله سیدن «مقتنچاق قویان» و «بوری» سرلوحه لی حکایه لر، افغانستانلیک اوزبیک یازوچی وشاعر جناب تاشقین بهایی قلمیگه منسوب
شونینگدیک بیرقطار چیت ایل لیک قلمکشلرنینگ رحیم ابراهیم تمانیدن اوزبیک تیلیگه اوگیریلگن حکایه لری همده اوزبیکستانلیک یازوچی م. مرادف نینگ بیر حکایه سی «چومچوقچه» توپله میدن جای آلگن
قیرق ایککی بیتده نشر ایتیلگن اوشبو کتابده گی ایرتک–حکایه لر قیسقه لیگی و تیل جهتیدن روانلیگی کتابخوان باله لرنی اولرنی قیزیقیب اوقیشگه جلب ایته دی
افغانستانده اوزبیک تیلیده باله لراوچون ادبیاتلر دییرلی جوده آز ایجاد قیلینیب نشر ایتیلگن. باله لر ادبیاتی حقیده ایتیب اوتیرمه سه هم بوله دی
مملکتده اوزبیک تیلیده گی کتابلر و نشرلرگه بولگن احتیاج کتته
شیرین و مضمونلی کتابلر و کوپچیلیکنی مطالعه و اوقیشگه قیزیقتیروچی نشریه لرنی چاپ ایتیب اهالی قولیگه ییتکزیش زمانیمیزنینگ اینگ اساسی طلبلریدن. بو یول آرقه لی بیز بوکونگی نسل و کیله جک اولادنی اوزبیک تیلیده سوادلی قیلیشگه مؤفق بوله آله میز
سونگی بیر ییل ایچیده افغانستانلیک یازوچیلرنینگ بیر قطار ادبی اثرلری اینیقسه بدیعی ادبیاتگه عاید ایجاد نمونه لری «افغانستان قلم انجمنی» و باشقه مؤسسه لر تمانیدن چاپ ایتیلیب کتابخوانلرگه تقدیم ایتیلماقده. «چومچوقچه» انه شولر قطاریگه کیره دی
افغانستان اوزبیک قلمکشلری نینگ کیینگی ایجادی حرکتلری تحسینگه سزاوار، چونکه بو ساحه ده عملگه آشیریله دیگن ایشلر افغانستان اوزبیکلری نینگ معنوی کیله جگی یارقینلیگیدن درک بیره دی
اوزبیک تیلشناس و ادبیات شناس حرمتلی عزیزالله آرال «چومچوقچه» کتابیگه یازگن مقدمه سیده بو حقده منه بونده ی اشاره قیلینه دی
|  |
| یازوچی رحیم ابراهیم نینگ اوزبیکچه و فارسچه تیلیده یازگن شعر و مقاله لری تورلی مچله و کونده لیکلرده چاپ ایتیلگن |
«چومچوقچه» ناملی حکایه لر توپلمی انه شولر جمله سیدن دیر. باله لراوچون حاضرلنگن اوشبو توپلمده یازوچی هم ترجمان هم اوز پیداگوژی مهارتینی ایشگه سالگن. تیرن دید بیلن توپلنگن بوحکایه لرتوپلمیده حرمتلی رحیم ابراهیم اوزبیک یاشلریگه ماس، اولرذهنینی اوسدیریشگه خذمت قیله دیگن، دنیا قره شینی رواجلنتیره دیگن و تیلینی روان ایته دیگن حکایه لرنی تنله گن».
افغانستانلیک شیرین باله جانلرنی «چومچوقچه» کتابینی اوقیشگه دعوت ایتیش بیلن بیرگه عزیزآته - آنه لرنی هم اوشبو کتابنی تاپیب اوز فرزندلریگه تارتیق قیلیشلرینی التماس ایته میز
شونینگدیک کتاب مؤلفی جناب رحیم ابراهیم نینگ ایجادی ایشلریگه اولکن مؤفقیتلرتیله یمیز
اثربیلگی سی:
• کتاب نامی: چومچوقچه
• تیارلاوچی و مترجم: رحیم ابراهیم
• ادیت: محمدعالم کوهکن
• نشرایتووچی: افغانستان قلم انجمنی
• چاپ نوبتی: بیرینچی
• چاپ ییلی: 1386
• باسمه‌خانه:«افغان مسلکی مطبعه‌سی» کابل
• مقوا و صفحه‌لردیزاینی: ژکفرحسینی
• کمپیوترچی: ایرج ابراهیم
• تیراژ : 1000 جلد
Geen opmerkingen:
Een reactie posten