 |
|  |
| اوشبو دنبوره فیستیوالی ایلک مرته آیینه تلویزیونی نینگ تشبثی بیلن مملکت شمالیده اوتکزیلماقده |
شمالی شبرغان شهریده خصوصی آیینه تلویزیونی تشبثی بیلن یولگه قوییلگن دنبوره فیستیوالیده بوتون افغانستان بویلب 70 کیشی مشهور دنبوره چیلر قتنشدی
اوشبو احتفالده، فقط ترکی تبار اهالی ایمس بلکه تاجیک و هزاره لر هم فعال اشتراک ایتیشدی
بو ایسه افغانستان شمالیده گی اهالی نینگ موسیقی فرهنگی نی فقط گینه شمالده چیکله نیب قالمه گه نیدن هم ایریک دلالت بیره دی
محلی قوشیق چی لر دوره سی
شبرغان ده بولیب اوتگن دنبوره فیستیوالیده، افغانستان نینگ مشهور محلی قوشیقچیلرینی بیر آره گه توپله نیش لریگه هم یخشی امکانیت یره تیلگن ایدی
اوشبو احتفالده، تاج محمد سرپلی، استاد غفار کمال، همراه مستانه، فخرالدین اندخویی، جوزجان لیک حیات الله و محمد امین خدایقل زاده، صفدر توکلی، طلا محمد تخاری کبی مشهور محلی قوشیقچیلر سیمالرینی کوریش ممکن ایدی
|  |
| دنبوره فیسیتوالیده مملکت بویلب 70 کیشی مشهور دنبوره چیلر قتنشکن ایدی |
هرچند فیستیوال دنبوره نامی آستیده بولیب اوتدی اما اونده دوتار، تار، رباب، غیجک و شونگه اوخشش باشقه بیرنیچه تور موسیقی چالغو لری هم چالیندی
کونگیل آچر دستور
اوشبو ایککی کون لیک موسیقی فیستوال دنبوره عشقنی قیته دن آدملر کونگلیگه زنده قیلیش یانیده، اوزون ییللیک اروشلر و توپ و تفنگ سیسیدن بیزرده بولگن افغانستانلیکلر اوچون موسیقی نواسی بیلن روحلرنی تازه لش اوچون هم بیر امکانیت یره تیلگن ایدی
آیینه تلویزیونی نینگ مسوللریگه کوره، ایککی کونلیک دنبوره فیستیوالیده مینگ دن آرتیق دنبوره عشقی باز لری اشتراک ایتگن
اوشبو فیستیوالده قتنشگن اینگ استعدادلی بیش کیشی دنبوره چیلر مادی و معنوی مکافاتلر بیلن تقدیرلندی
دنبوره فیستیوالی ایتکچیلریگه کوره، اوشبو فیستوال بوندن کیین هر ییلی اوتکزیله دی اونده کوپلب محلی قوشیق چیلرنی قتنه شیشلری و محلی موسیقی نی قیته تیکلش اوچون امکانیت لر تاپیله دی
Geen opmerkingen:
Een reactie posten