اوزینگ نی تانیمه گن، اوزگه لردن اینجیمهخانم فرشته ضیائی
ییل لر بوییچه اوز تیلی و مدنیتی دن اوزاقلشتیریلگن خلق ، تورک سویی دن کیلگن من دیگن سوز لردی هم سورو اشارت لری بیلن قرشیلب آله دی. اوزینی کیم لیگینی ، تاریخی نی، تیلی نی و مدنی بایلیک لرینی یوقاتگن خلق ، اوغان من دیگن سوز لرگه قوشیلیب باشقه لرنی تبرینی دسته بیریب کیلماقده لر. بیراق قاره خلق اوز مدنیت و تاریخی دن اوزاق لشیب قالگن بولسه نیگه بعضی بیر بیلیم لی و آیدین کیشی لریمیز هلی هم اوزینی ایسکی تون لرگه اورب گرچک لردن کوز یومیب اوته دیلر؟؟
ییل لر آلدین خلقیم و ملتیم دیگن تویغو لردی ینه بیر مرتبه جانلنتیرگن اولوغ قهرمانیمیز عبدالرشید دوستم یاردملری بیلن بوتون اوغانستان ده بولمه سه هم کوزی ده ایرکین لیگیمیز دی آلگن ایدیک. او پیتلرده تیل و مدنیت کیلیشترمه سی اوچون انچه شرایط یره تیلگن ایدی و کوپ گوزل ایش لر هم بولدی. بیلی که اوروش بولگن بیر پیتده مدنی اویوشمه لردی دواملی آلیب کیتیش قیین ینه هم انچه امکانیت لر بار ایدی.
او پیت لردن بو کون گه قدر انچه زمان اوتدی. بیز اوزیمیز اوشه امکانیت لردن فایده لنماغ اوچون و تیل و مدنیتمیز دی چوقور اورگنماغ اوچون قنچه حرکت قیلگن میز؟ توغری کوپ قیمتلی و اولوغ یازوچی لریمیز و بیلیم لی ملتیم دیب کیلگن کشی لریمیز بار که دواملی تیل و مدنیتیمیزدی قوللب قوتتلب کیلماغده لر. اما بیز اوزیمیز قنچه اولرگه اعتبار بیریب بیلگی لرینی توشونیب اورگنماغ ایسته گن میز؟ یوز لرچه باشقه تیل گه یازیلگن کتاب لردی یانیده نیچیته تورکچه تیل لری ده یازیلگن کتاب لردی اوقیمیز؟ اگر مینی حقیمده جفا بولگن بولسه و تورک آتی گه ایزیلگن بولسم اوزیم هم بو جفالر و ایزیلیش لردی دوام بیریشی گه حقلی من می؟ مین چیککن حقسیزلیک لردی باله لریم و باله لریم دی باله لری هم چیکسین می؟ قچان گه چه بوندی کیتیشی کیرگ؟ نیگه بیر اوزبیگ، ترکمن، هزاره، قزاق، قیرغیز.... کیشیسل لیگینی قولدن بیریب باشقه بیری بولیب یشه مه سی کیرگ؟ بو و بونگه اوخشه گن یوز لر چه سورونی هر بیریمیز اوزیمیز گه بیریشیمیز کیرگ. مینی توشونجه م گه گوره عیب فقط گینه باشقه لرده ایمس بلکه اوزمیز گه هم بار. چونکه بیرلیک و ایرکین لیک دی نیمه انلم گه کیلگنی نی بیلمه گن میز. یا بیله میز و کوزیمیز دی یومیب اوته میز. اوز تیلیمیز ده اوقیب یازماغ او یانده تورسین حتی که گپیریش گه هم ایرینه میز.
مینی توشونجه م گه گوره بیز تا اوز مدنیت، تاریخ ، تیل و ادبیاتیمیز دی بیلمسک، اوز حق لریمیز دی ایسته گنیمیز و باشقه لرگه اوزیمیز دی بارلیغیمیز دی کورستیشیمیز قرانغه لیک ته یول اختریش دیک بیر نیرسه. توغری باشیده انچه قینلیش ممکن. یازو لریمیز دی کوپ کمچیلیگی و خطا لری بولیشی ممکن اما کیینچه لیک سیکین سیکین همه سی توزه له دی. اگر هر کیم اوزی دن باشلب ، اوزی نی تانیب اوز حقلرینی قول گه کیلتیرماغ اوچون حرکت قیلسه ، باشقه لرگه هم اورگتیب قبول قیلدیریشی ممکن. اگر اوزیمیز اوز تیلیمیز گه ایگه چیغمه گن حالده ، باشقه بیری هیچ بیر زمان ایگه چیغیب یوکسلتیرمیدی.
تانیلگن بیر سوز بار که حق آلینه دی، بیریلمیدی ! بیز هم انشالا حقیمیز دی آله میز اما بو حق دی آلیش اوچون بیرینچی دن کوچلی بولیشیمیز کیرگ. بیر ییرگه اگر کوچ باتورلیک گه بولسه باشقه ییر ده ایسه قلم گه و تیل گه دیر.
فرشته ضیایی ( بیگم)
090124
Geen opmerkingen:
Een reactie posten