افغانستان آيدين فرهنگي انجمني نينگ فعاليت لري

افغانستان آيدين فرهنگي انجمني نينگ فعاليت لري

افغانستان آيدين فرهنگي انجمني اولکه نينگ بيرتعداد فرهنگ سيوروايزگوتويغوليک ييگيت لري تمانيدن که جامعه ميزنينگ اونگه ضرورتي باراورته گه کيلدي. ييگيت لريميزني تعليمي سطحيني يوقاري ايلتيش، فرهنگ اوستيريش گه ياردم ايتيش بوانجمن نينگ اصلي هدفي تشکيل بيره دي افغانستان آيدين فرهنگي انجمني، بيرايرکين بنياد، غيرسياسي وبيرتمانگه تيگيش لي سيزبوليب، مالي وجه لري انجمن اعضا سي ايله تمويل بوله دي.
بوانجمن نينگ بيرينچي فعاليت 32 تن بضاعت سيزمحصل لرگه مادي يارم ايتيش که عالي تحصيلات مؤسسه لريده تحصيل گه قوشيلگن ايرورلرهرآيده (1000) افغاني آيليک معاش الرگه تعيين ايرورکه بوياردم لر1385 –نچي ييل ني سونگي گچه دوام ايته دي
اول - فارياب آيدين عالي اوقوويورتي فارياب ولايتي ميمنه شهريده 1383-نچي ييل عقرب آييده بوانجمن واسطه سي ايله آچيلدي، کانکورتيارليگي ني بوليم لر( مکتب نينگ تمام درس لري شامل ايرور) انگريزي تيل، کمپيوتر، اوزبيک تيل وادبياتي وديني علم لربار. آلدين لرده (بيليم مشعلي عالي اوقوويورتي ) آت قوييلگن ايدي که انجمن رسميت تاپگندن سونگ 1384-نچي ييل حمل آييده ( فارياب آيدين عالي اوقوويورتي) آتگه اوگيريلدي. آت توتيلگن همه درسي بوليم لراوشل ييرتويغوليک تجربه لي استاد لرتمانيدن درس بيريله دي. 1383-نچي ييل ده (500) تن ميمنه مکتب لريني اوقوچي لري بول اوقوويورت نينگ کيفيت لي درس وتعليم لريدن فايده لندي لرشوکبي قرارايدي (126) کيشي بواوقوويورت نينگ اوقوچي لردن کانکورسيناويگه قوشيلسه لراما خبرسيزليک سببي دن اوقوچي لريريمي سيناوگه قوشيله آلمدي لر بوجمله دن (60) کيشي که کانکورسيناويگه قوشيلگن ايدي لر(45) کيشي لري ايريم رشته لرگه کامياب بولدي لر، اگر1382-نچي ييل گه قره سک کوره ميزکه فقط اون کيشي لردن کانکورسيناويگه کامياب بولگن لراوتگن ييل لرگه قره گنده بول بيرکته يوتوق ايرور، شوکبي 1384-نچي ييل دن بويان هرييل ده تورت يا بيش بارکانکورسيناوي قوريله دي که فارياب مکتب لري نينگ تمام اون ايکينچي بوليم اوقوچي لري قتنشه دي لر. شوندي بوليب همه شرايط گه ماس اوقوچي اوقوويورتيميزسايه سي آستيگه کيله دي لر. 1384-نچي ييل کانکورسيناويده هم اوقوويورتي ميزطلبه لري اوزلريده 90% موفقيت کورکوزيب وطن تحصيلي مؤسسه لريگه قوشيلگن لر. ينه ده فارياب آيدين عالي اوقوويورتي فارياب ولايتيده دانش اوستيريش اوچون اوزفعاليت لريگه دوام بيره دي.
دوم-1383-نچي ييل کانکورسيناويدين سرپل ولايتي واندخوي تورت اولسواليک لريده ايکي کانکور کورس تيارليگي مؤقت تورده تا کانکورسيناويگه چه قوريلدي. سرپل ولايتيده (65) اوقوچي، اندخوي اولسوالليک لريده (200)تن اوقوچي بوکورس لرده اورگنيش آستيگه آلينديلر. کورس توگه گندن سونگ سرپل اوقوچي لريدن (48) کيشي کانکورسيناويگه قوشيلديلر، شوکبي (180) کيشي اندخوي تورت اولسوال ليگي اوقووچي لريدن کانکورسيناويگه قوشيلديلر. بوجمله دن (120) کيشي تحصيلي مؤسسه لر ايريم رشته لريگه کامياب بولگن لرکه بورقم اوتگن ييل لرگه قره گنده ملاحظه له ليک ايرور
سوم-- سرپل آيدين عالي اوقوويورتي 1384-نچي ييل اسد آيي نينگ بيرينچي کوني سرپل ولايتي ده هميشه ليک وظيفه سيگه باشله دي بواوقوويورتيده هم فارياب اوقوويورتي ديک ايريم بخش لرده کانکور سيناويگه تيارگرليک، انگريزي تيل، کمپيوتر، ازبيک تيل وادبياتي وديني علم لراينيقسه بواوقوويورتده چيرايليک يازيش ورسامليک بوليمي هم موجود دور. 1384-نچي ييل کانکورسيناويده هم بوعالي اوقوويورت طلبه لري اوزلريدن مؤفقيت لرکورکوزيب الردن (45) کيشي لري کامياب بوليب وطن نينگ عالي اوقوتيش مؤسسه لريگه کيريشگن لرو1385 –نچي ييل کانکورسيناويگه طلبه لردن (96) کيشي سي کيريب اولردن (87) کيشي سي کامياب بوليب وطن نينگ تحصيلي مؤسسه لريگه کيريشگن لر.
چهارم-- اندخوي آيدين عالي اوقوويورتي 1384-نچي ييل قوس آييده اندخوي اولسوال ليگيده اوزفعاليتيگه باشله دي بوعالي اوقوويورت ده هم، کانکورسيناويدن بشقه مکتب نينگ عموم مضمون لر(کمپيوتر، انگريزتيلي، اوزبيک تيل وادبياتي، دري وديني علم لر) اوقيتيله دي.1384-نچي ييل اندخوي ده کانکور سيناوي باشلندي بواوچون طلبه لر1385-نچي ييلده اصلي کانکورسيناويگه کيريشدي اوييلده طلبه لردن (23) کيشي امتحان بيريب اولردن (11) کيشي ايريم بخش لرگه کامياب بوليب وباشقه لرايسه نتيجه سيز ديب اعلان بوليندي
پنجم -- 1384-نچي ييل عقرب آييده کانکورسيناويگه تيارگرليک کورسي طلبه لراوچون تخارولايتيده باشلندي.
ششم-- 1385-نچي ييل ميزان آييده مزارشريف شهريده بوموسسه نينگ بيربوليمي آچيليب اوزفعاليتي گه باشله دي بومزارشريف ده گي بخش تمانيدن بلخ پوهنتونيده (18) کيشي اوقوچي گه ياتاق خانه(ليليه) توزه ليب اوييرده ايمک وايچمک لرهم تأمين لنه دي.
هفتم --- تخارعالي اوقيش موسسه سي هم 1385-نچي ييل عقرب آييده اوزفعاليتي گه باشلب بوموسسه هم وباشقه موسسه لرکبي خيلمه خيل بخش لرکانکورسيناوي، ساينس مضمون لري، کمپيوتر، انگريزي تيلي، اوزبيکي تيل ادبياتي دري وديني علم لردن عبارت دور. حاضرايسه بوموسسه ده (1200) کيشي تعليم کوريب ايل علاقه سيني اوزتمانلريگه تارتيشگه سبب بوليب قيزلراوچون هم بيرايريم اوقيتيش موسسه سي آچيلسه کيرک بوايش اوچون فعاليت لرنينگ دوامي بار انشاء الله 1387-نچي ييل نينگ حمل آييده قيزلراوچون هم ينگي اوقيش موسسه آچيلماقده
هشتم-- وينه هم بوعالي اوقيش موسسه سي تمانيدن محلي نشريه لرآتيده آيدين سرپل، آيدين اندخوي، آيدين بلخ ماهنامه لروآيدين فارياب هفته نامه سي کبي بيرقطارنشريه لرخلق علمي وفرهنگي درجه سيني يوقاري آليب باريش اوچون چاپ گه تاپشيريلگن دور. حاضرگي پيتده فارياب ولايتيده بيرموسيقي چيلرگروپي محلي هنرمند لردن تشکيل تاپيب بوموسسه (اوييشمه) حمايه سيده فعاليت قيله دي
نهم-- 1385-نچي ييل نينگ مبارک روزه آييده بواوييشمه تمانيدن بيرليک واتفاق چيليک بومبارک افطاريه ني شانلش اوچون فارياب، سرپل، اندخوي وشوکبي مزارشريف وکابل موسسه لريده افطاريه ترتيب تاپگن ايدي يوزلرچه دولت ارباب لري، آقسقال لر، استادلرو اوقوچي لرنينگ آته لري قيزغين علاقه بيلن قتنشنگن ايدي لر.
دهم -- بعضي کتاب لرهم بواوييشمه تمانيدن چاپ بوليب چيقگن دور:
1- خط بابري ( محقق محمد حليم يارقين)
2- ايسکي تاريخيميز( محقق عبدالرحيم معصومي)
3- امام بخاري نينگ آثاري وحياتي حقيده . ينه هم اميد قيله ميزکه بوفعاليت لرني باشقه ولايت لرده وطن بوييچه وسعت بيريب علمي وفرهنگي فعاليت لريميزکوپي تيرسک بويولده بيرينچي دن دولتي مقامات واولسيميزکمک لري خصوصاً (اينقسه) اولکه سيورسوداگرلروتجارلرگه ضرورتي ميزبار. تا قيله آلسک بوکمک ييغيندي سي بيلن بويولده اولوسيميزاوچون يخشي وکوپراق خدمت قيلسک. کيلينگ لربير بيريميزگه قول بيريب عزيزاولکه ميزافغانستان ني نادان ليک قرانغوسيدن نجات بيريب علم وبيليم وعالي فرهنگ بيلن شوروزوکيله جکده يارقين قيلسک. (افغانستان ترقياتي ويارقين ليگي اوچون) اداري هيأتي افغانستان آيدين فرهنگي اويشمه سي