خبر فرهنگی - تهيه كننده داكتر فيض الله ايماق

مدنیت خبرنامه سی

--------------------
2008ییل ،25 جولای
تورنتو کانادا

2008ییل، 25جولایده،کانادا مملکتی تورنتو شهر،
(Le Jardin bankuet Hall)
لیده ،دستگیرقل خان بیکزاد قیزی گلگون بیکزاد وسید احمد زاده اوغلی س.بکتاش احمد زاده لرنینگ نکاح مراسمی بولیب اوتدی.بو مراسمگه 400دن آرتیق مهمانلر قتنشدی.توی مراسمی اوزبیکانه طرزده بولیب اوتدی،بو مراسم مهمانلر دلیده، اونیتیلمه یدیگن تاءثرات قالدیردی،دیسک مبالغه بولمه یدی.
بیرینچیدن کیلین-کیاو اوزبیکانه کییم کیگن حالده ،یار-یار اشوله سی آهنگی آستیده هال گه تشریفبویوریشدی و اولراوچون مخصوص تیارلنگن جایدن جای آلیشدی. شوندن سونگ اوزبیک ملی رقص قوشیغی ینگره گنده، هالدن بیر عده کیلین-کیاو نینگ همیاشلری ملی (اوزبیکانه) کییم کیگن طرزده، رقصگه توشیشدی.
کیلین نینگ خاله سی" ایپک یولی" تلویزیون کورسه تولری متصدی سی فوزیه آرال حبیبی توی مراسمینی آچیق دیب اعلان قیلدی.فوزیه جان ،اینگ اولا،تویگه قتنشگن مهمانلرنی قوتله ب، تورک اوزبیک مدنیتی ، اینیقسه، توی مراسمیگه خاص بولگن عنعنعه لر حقیده گپیردی.فوزیه آرال شونینگ دیک توی مراسمی فقط موسیقه ورقصدن عبارت بولمسلیگی، تویلرده ،کیلین-کیاولرنینگ یقینلری دل سوزلرینی آیتیشگه رخصت بیریلیش باره سیده توخته لیب اوتدی. او، شو کبی، کیلین- کیاوگه اته ب یازیلگن م.اسحاق ثنانینگ شعرینی اوقیگندن کیین،کیلین- کیاونی تبریکله ش اوچون تورنتو جماعه سیده تنیلگن ژورنالیست وشو دیارده باسیلیب چیقه دیگن "اندیشه ی نو" آینامه سی تحریر هیاءتی اعضاسی داکتر فیض الله ایماق،همده افغانستان رادیو تلویزیونی وتاشکند خلق ارا رادیوسی سابق سخندانی انابت ایماقلرگه سوز بیردی.
داکتر ایماق مذکور مراسمده، سوزگه چیقیب، مهمانلرنی تویگه قتنشگنلری باعث قدملریگه حسنات دیدی.او اوز سوزینی دوام ایتتیریب، کیلین-کیاوگه خطابا" شونده ِ دیدی:
"تویلر مبارک بولسین !
عزیز جیینلریم وجگرلریم گلگون جان بیگزاد وس.بکتاش احمد زاده!
سیزلرنینگ نکاح تویلرینگیزنی اوز نامیمدن ،اندیشه ی نو آینامه سی ایجادی اعضالری، قاله ویرسه، کانادا جماعه سی افغانستانلیکلر مدنی جماعه سی نامیدن صمیمی، مبارکباد ایتیب، سیز یاشلرگه یره تگندن،صحت-سلامتلیک، بخت -سعادت تیله ب قاله من.
عزیزلر!
کیلگوسیده اووه لی- جووه لی بولیب، حیات کیچیرینگ. امیدیم شولکه، الله تعالی سیزلرگه گوزه ل،ساغلام وآدابلی فرزند اعطا قیلسین! آته-آنه لرینگیز ، قه یین آنه- قه یین آته لرینگیزنی هردایم اعزاز لنگ.
سوزیمنی توگه تر ایکن من، ینه بیر کرره،حشمتلی و طنطنه لی نکاح تویلرینگیزنی چین دلدن تبریکله ب ، سیزلرگه، پروردگار عالمدن، بخت- سعادت، گوزه ل تورموش حیات آرزو قیله من. سیزلرنینگ بیغرض دعا گویلرینگیز:
داکتر فیض الله ایماق
شونینگدیک، داکتر ایماق افغانستان تورکلری فرهنگی فدرسیون رییسی داکتر همت فاریابی، افغانستان تورکلری نینگ بویوک یازوچی وتدقیقاتچی سی پروفیسر داکتر عنایت الله شهرانی تامانلریدن توی مناسبتی بیلن ییتیب کیلگن تبریک سوزلرینی مهمانلرگه اوقیب، ایشیتتیردی.
همچونین بی بی حاجی انابت ایماق کیلین-کیاولرنی تبریکله ب،اوزبیک خلقی نینگ آغزه کی ایجاد نمونه لری(اولنگ یار-یار)لرنی خاص آهنگ بیلن معیاریگه ییتکه زیب،اوقیدی.قوشیقلرنی تینگله گن مهمانلر،انابت جاننی ایزمه -ایز قرصکلربیلن آلقیشله دیلر.
شونی علیحده قید ایتیب اوتیش جایزکه،نکاح مراسمیده ینگره گن تورک اوزبیک قوشیقلری، کیلین- کیاو همیاشلری نینگ اوزبیکانه کییم-لباسلری توی طنطنه سیگه ینه ده اولکن طنطنه-حشم قوشدی،دیسک مبالغه بولمه یدی.
تویگه اشتراک ایتگن مهمانلر:
"حقیقتا"توی تویگه اوخشه دی، بیز آته-بابالریمیزدن قالگن بای ،مدنی میراثیمیزنی توی اینیقسه،نکاح تویی مراسملریده رعایه قیلیشیمیزدرکار"،- دییشدی.
شونی آیتیب اوتیش لازم که،هر بیرتوی مراسمی دستورخوانی،تورلیچه بیزه تیله دی،اما بوگونگی یازیلگن دستورخوان اوزی نینگ رنگ به- رنگلیگی بیلن تماما" اجره لیب تورر دی.
توی مراسمی کیچ ساعت 4گه قدر دوام ایتدی.عجبله نرلیسی شونده که، ساعت 4ده هم هالنی ترک ایتیشگه هیچ کیم راضی ایمسلیکلرینی اظهار ایتیشدی.هربیرنرسه نینگ سونگی بولگه نی کبی بوگونگی توی مراسمی هم ، اوز نهایه سیگه ییتدی.
هردایم توی بولسین! تینگری تعالی هربیر بنده سینی یامان کونلردن سقله سین.آمین یا رب العلمین!
خبرنگار:داکتر فیض الله ایماق
# # # # #
توی مراسیمده انابت ایماق تاما نیدن اوقیلگن(اولنگ یار-یارلر)دن مثال کیلتیرماقچیمیز .بو خلق ایجادی نمونه لری داکتر ایماق نینگ 1980 ییلی، کابلده، دری ترجمه سی بیلن باسیلیب چیققن(خلق دردانه لری)کتابیدن ،بعضی بیر اوزگرتیریشلربیلن کوچیریب آلینگن:

اولنگ یار-یارلر
---------------
قیزیل-قیزیل خورازلر خرمن ساچرها اولنگ،
قیز کورمه گن ییگیتلر،تنگه ساچر های اولنگ.
اولنگ-اولنگ،جان اولنگ،اولنگ کوپدیر های اولنگ
اولنگ بیلگن تیلینگدن،مینگه اوپتیر های اولنگ.
چمیلدیغینگ ارقه سیده شیلدیر-شوقین های اولنگ،
"بیکزاد" قوشگن قوش بازوتگه، کیلدی ذوقیم های اولنگ.
کیلین کیلگن حویلینی"گلف"ده دینگلر های اولنگ،
آت باغلنگن قازیقنی طلا دینگلر،های اولنگ.
ایککی صندوق بیر-بیریگه رخ بیره دی،های اولنگ،
ایککی قوده بیر-بیریگه توی بیره دی،های اولنگ.
قیزیل-قیزیل خورازلر خرمنده دیر، های اولنگ،
قیز کورمه گن ییگیتلر ارمانده دیر،های اولنگ.
تویخانه نینگ اوتینی ارچه ایمیش ،های اولنگ،
"گلگون" جان نینگ کویله گی پرچه ایمیش، های اولنگ.
"احمد زاده"حویلیسی دروازه لیک ،های اولنگ،
"بکتاش"گه توی جونتدی،آوازه لیک،های اولنگ.
چیمیلدیغینگ متاعسی مروریدیر،های اولنگ،
"بکتاش"جان نینگ اوزلری سروریدیر،های اولنگ.
چیمیلدیغینگ ارقه سیدن طباق آلی،های اولنگ،
"گلگون"،"بکتاش"آغزلریدن سباق آلی،های اولنگ.
تویخانه نینگ اوتینی یولغین ایمیش،های اولنگ،
"گلگون"جان نینگ کویلگی گلگون ایمیش،های اولنگ.

کیچه سی ساوچی کیلدی "گلگون"اوچون،یار-یار،
"گلگون"نی توی قیلماقچی "بکتاش"اوچون،یار-یار.
"ثریا"جان یورینگلر، توی کیته یلیک،یار-یار،
"گلگون" جان نینگ کونگلینی خوش ایته یلیک،یار-یار.
اوزین-اوزین ارغمچی کوککه ییتر،یار-یار،
"بکتاش"بیرگن تویلری ایلگه ییتر،یار-یار.
های-های اولنگ،های اولنگ،آی آچیلسین،یار-یار،
"گلگون"کیلگن اویلرگه،گل آچیلسین،یار-یار.
اویگه توشلگن قالین نینگ بیر گلیمن،یار-یار،
"بکتاش"بیلن"گلگون"نینگ،بلبلیمن،یار-یار.
های-های اولنگ های اولنگ، آی باتمه سین،یار-یار،
کیلین کیلگن کیچه لر، تانگ آتمه سین،یار-یار.
ارابه نینگ تگیگه سیپدیم کیپک یار-یار،
"گلگون"جان نینگ کییگنلری بری ایپک،یار-یار.
"بیگزاد"بای نینگ حویلیسیدن اوچدی اوردک یار-یار،
"احمدزاده" حویلیسیگه توشدی اوردک،یار-یار.
"بیکزاد"بای نینگ حویلیسیدن آشیرینگلر،یار-یار،
"گلگون"نی تیز "بکتاشگه"تابشیرینگلر،یار-یار.