آلتین تاج، خانم کبرا کیوان نینگ ایلک شعر توپلمی سنله دی

آلتین تاج

محمد عالم کوهکن شاعر و ژورنالست

	آلتین تاج، خانم کبرا کیوان نینگ ایلک شعر توپلمی سنله دی

اوزبیک تیلیده قلم تیبره تیش و ایجاد ایتیش بیر نیچه ییلدن بیری افغانستان اوزبیکلری آره سیده استه سیکین کینگ توس آلماقده

بونگه اتنیک اوزبیکلرنینگ اوزاق دور اوز آنه تیلیده اوقیش، یازیش وایجاد ایتیشلریگه قانونی توسیقلر و تورلی سیاسی تضییقلردن فارغ بولیب، کوپ ییل لیک محرومیتلردن سونگ بیرقطار ایرکین لیکلرگه ایریشگن لیکلری سبب بولگن

سونگی ییللرده اونلب کیشی یاش قلمکشلر اوز آنه تیلیده یازیش و ایجاد ایتیشنی مشق قیلیب کیله یاتگنلری نینگ گواهی میز

بو آره ده عیاللرنینگ اوشبو کروانگه قوشیله یاتگنلیکلری هم قوانرلی

سونگی پیتلرده افغانستانلیک اوزبیک یازوچیلر و شاعرلرنینگ ایجاد نمونه لری کتاب و توپلملرشکلیده چاپ ایتیلیب، اوز اوقوچیلری گه تقدیم ایتیلماقده

یقینده رحمتلی کبرا کیوان قلمیگه منسوب "آلتین تاج" ناملی توپلم اولوغ بیگ میرزا انجمنی تامانیدن باسیلدی

توپلم کبرا کیوان نینگ 60 گه یقین اوزبیکچه شعرلری همده 70 عنوان دن آشه راق دری تیلیده گی شعرلرینی اوز ایچیگه آله دی

توپلمده گی شعرلرموضوع جهتیدن ایریم اجتماعی، سیاسی و تورلی مناسبتلرگه بغیشلب یازیلگن و شکل جهتیدن هم خیلمه خیل

شعرلر بیزکبراکیوان نینگ بو شعر توپلمینی اوزبیک شعر و ادبیاتی، اینیقسه عیاللر شعر و ادبیاتیده بیر یوتوق و اونوملی حرکت دیب، بها بیره میز؛ بیراق بیر- ایککی مهم نکته نی هم ایتمه ی اوتالمسلیگیمیزدن عذرسوره گن حالده، قوییده گیلرگه سیزعزیزاوقوچیلرنی چارله یمیز: ... شفیقه یارقین

شاعراوز حیاتیده تورلی عروض وزنیده همده چارپاره و آق شعر یازیشنی تجربه قیلگن

"آلتین تاج" توپلمی گه دکتور شفیقه یارقین طرفیدن یازیلگن مقدمه ده شاعرایجادیگه تنقیدی نظر تشلنه دی

خانم یارقین درحقیقت رحمتلی کبرا کیوان نی افغانستان کبی قالاق بیر جامعه ده اوز قولیگه قلم آلیب ایجاد ایتگنی نی صمیمی آلقیشله یدی

شفیقه یارقین: "بیزکبراکیوان نینگ بو شعر توپلمینی اوزبیک شعر و ادبیاتی، اینیقسه عیاللر شعر و ادبیاتیده بیر یوتوق و اونوملی حرکت دیب، بها بیره میز؛ بیراق بیر- ایککی مهم نکته نی هم ایتمه ی اوتالمسلیگیمیزدن عذرسوره گن حالده، قوییده گیلرگه سیزعزیزاوقوچیلرنی چارله یمیز: ...ِ" دیب یازه دی

شاعر شعری نینگ یخشی و ناقوله ی تامانلری اوستیده توخته لیشگه حاجت یوق. بو ایشنی شعرشناسلر و منتقدلرگه قالدیرگن حالده، افغانستان اوزبیکلری جماعه سی نینگ مدنی حیاتی نینگ موجود مشکللر و کمچیلیک لرگه قره می اوز آنه تیلیده جسارت قیلیب قلم تیبره تگن عزیزلرگه حسناتلرایتیش کیره ک

بو اورینده اوز حیات دوریده آنه تیلینی جان- دلدن سیویب قولیدن کیلگنیچه ایجاد ایتیشگه جزم ایتگن رحمتلی کبرا کیوان نینگ ابدی جایی جنتده بولیشینی آرزو قیله میز

کبرا کیوان

عبدالجلیل کلانتر قیزی کبرا کیوان 1339 هجری شمسی ییلیده فاریاب ولایتی مرکزی میمنه شهریده دنیا گه کیلگن

اوشبو شهرده تعلیم آلیب، فاریاب پیداگوژی انستیتوتینی بیتیرگن

او بیرنیچه ییل اوقوتوچی صفتیده میمنه مکتبلری حمله دن فاریاب ولایتی نینگ پیداگوژی انستیتوتیده درس بیرگن

کبرا کیوان 1374 ییل نینگ قوس آییده میمنه شهریده وفات ایتگن

هجران خیمه سی

کیتدی هجریدین یوره ک اوزره قوییب دور داغ داغ
ایککی دنیا ده تاپیلمس اول کبی آچیق قباغ

ای کوزل! نوریدین توشکن ایردی کوکسیمه
نیلاریم کیتدیز یانیمدین نی قیلای بولدیز اوزاغ

مین یوره ک قانی بیله یازدیم بو شعرنی دلبریم
تا غم و دردیم بیلیب، سوزیمگه توتسنگیز قولاغ

زخم هجریز آستیده بس آه و حسرت دور سپر
کوز یاشیم توکسم نگاریم قیلمه گی سیزمو فراغ؟

بلبل بی خانمان دیک هر نفس یادیمده سیز
گل کبی چقنب کیلینگ کیم چقنه گی مین باغ باغ

هر قرا تونده قالیشده نور(کیوان) بولسه گر
پارلنیب تورگه ی اوییمیز بیزگه باردور چلچراغ

کتاب بیلگیسی

کتاب آتی : آلتین تاج
مؤلف : کبرا کیوان
کمپوز: انجیلا هدایت
جلد طرحی : علیشیرهدایت
چاپ ییری : مزارشریف، میرزا اولوغ بیگ مطبعه سی
چاپ ییلی : 1387، حمل آیی