«ایپک یولی» ایککی یاشگه کیردی
محمد عالم کوهکنامریکا نینگ کلیفورنیا شهریدن کورستولر بیریب باره دیگن « نور» نامیده گی خصوصی تلویزیون آرقه‌لی هفته ده بیر بار اوزبیک تیلیده کورسه تیله دیگن «ایپک یولی» برنامه سی اوزی نینگ ایککی یاشگه کیردی.
جسارت بیلن ایتیش کیره ک که «ایپک یولی» اوزی نینگ بیر ییل لیک فعالیتی دوامیده کوپچیلیک تماشاچیلرگه معقول و منظور بولدی و اولرنینگ کونگلیدن اوزیگه مناسب اورین ایگلَه دی.
اوشبو مناسبت بیلن بیرینچیدن «ایپک یولی» متصدی سی ملتسیور ژورنالست خانم فوزی آرال همده « نور» تلویزیونی مسوول لرینی صمیمانه تبریکلب، آلدینده گی ایشلری گه اولکن مؤفقیتلر تیله یمن.
«ایپک یولی» نینگ اوز بیننده لری دقتینی جلب ایتیشده، برنامه نی تیارلوچی فوزیه خانم نینگ رولی کته بولگنی گه هیچ قنده ی شک - شبهه یوق البته .
تلویزیون برنامه لرینی تیارلش، عاموی اخبارات واسطه لریده قیلینه دیگن فعالیتلرنینگ اینگ مشکلی و کوپ محنت ولازم استعداد، قابلیت طلب قیله دیگن آغیربیر ساحه حسابلنه دی. اینیقسه اوزبیکلر جماعه سیدن چیتده توریب، اوزبیک تیلیده تلویزیون کورسه تولرینی تیارلب تقدیم ایتیش، قاله ویرسه بیننده لرآلقیشیگه سزوار بوله دیگن درجه ده برنامه لر بیریش اوچون کته مهارت لازم .
انه شو ساحه ده موجود امکانیت سیزلیک و تورلی مشکللر گه قره می اوزقابلیتینی کوز- کوز قیلیب بیر ییلدن بیری تلویزیون برنامه لرینی مؤفقیتلی طرزده آلغه آلیب باره یاتگن فوزیه آرال، تثنالرگه ارزیگولی انسان.
اوزاق اوتمیشلردن بیری اوز تیلی، ادبیاتی و مدنی - فرهنگی امکانلریدن بی بهره سقله نیب کیلگن افغانستان اوزبیکلری آلدیده بوکون اوز فرهنگی حیاتینی رواجلنتیریش لری اوچون هیچ قنده ی قانونی توسیق موجود ایمس. شونده ی مناسب شرایط دن فایده له نیش، افغانستان اوزبیکلری اینیقسه فرهنگیلر، روشنفکرلر و قلم اهلیگه تیگیشلی مساله.
بیزنینگ فرهنگی لریمیز قه ییرده بولمه سینلر اوشبو ساحه ده اوزلریدن جسارت کورسه تیب ایجابی سعی حرکتلرنی یولگه قوییشلری لازم.
کلیفورنیادن نشر ایتیله دیگن « نور» خصوصی تلویزیونی آرقه لی هفته ده بیر مرته بیرساعتلیک «ایپک یولی» برنامه سی نینگ دوام ایتدیریلیشی بونگه یخشی مثال بوله آله دی.
«ایپک یولی» اوز فعالیتلری دوامیده افغانستان اوزبیکلری‌نینگ بوکونگی حیاتی و اوتمیشی دن خیلمه خیل لوحه لر بیریش آرقه لی در حقیقت کته خذمت قیلیب کیلماقده.
خارجده گی وطنداشلریمیزنی افغانستان ایچکریسیده گی احوال، اینیقسه اوزبیکلرنینگ سیاسی، اجتماعی، اقتصادی و مدنی حیاتیدن آز می کوپ می باخبر قیلیب بارماقده.
«ایپک یولی» اوز ادبی و فرهنگی برنامه لی آرقه‌لی افغانستان اوزبیکلری نینگ مملکت ایچکریسیده گی فرهنگی فعالیتلری، شاعر ویازووچیلرنینگ ایجادی ایشلری و یوتوقلری توغریسیده معلوماتلربیریب، قطار ادبی سیمالریمیزنی اوزبیننده لری گه تنیتب باره یاتگنی هم علیحده تحسین گه سزاوار.
حاضرگی کونده افغانستان اوزبیکلری‌نینگ مملکت ایچکریسیده هم تشقریسیده هم نه فقط «ایپک یولی» کبی برنامه لر، بلکه شونگه اوخشه گن اوزبیک تیلیده کورسه تولر بیره دیگن تلویزیون لرگه احتیاجی بار. بونده ی بیر مهم آرزولرگه ایریشیش ملی غیرت، جسارت و فدایی لیک طلب قیله دی.
بیرینچیدن بیزنینگ بای بدولت و ملی حس تویغوگه ایگه ملتداشلریمیزنینگ بو ساحه ده عملی قدملر تشلشلری کیره ک بوله دی. عین حالده هربیر اوزبیک هم کیله جکده بونده ی ملی - انسانی نیتلرگه ایریشیش اوچون به حال قدرت یاردم بیریب بیله دی. مساله نینگ بو تامانی البته ملی - مدنی تشکیلاتلریمیزنی هرتامانلمه قوللب قوتلش و حمایت ایتیش آرقه‌لی میسر بولیشی ممکن.
بیز بوندن اولکن آرزولرگه ایریشیشنی «ایپک یولی» نی حمایت ایتیشدن باشله شیمیز کیره ک.
افغانستانلیک اوزبیکلر اینیقسه خارجده حیات کیچیره دیگن ملتداشلریمیز «ایپک یولی» نی قوللب قوتلب اونی کیله جکده وقت ساعتلری نینگ کوپه ییشی و دنیا نینگ اکثریت منطقه لری جمله دن اروپا و آسیا اولکه لریده استقامت قیله دیگن اوزبیکلر کوره دیگن سویه گه ییتیشی اوچون یاردم کورسه تیشلریگه احتیاج بار!
11 september 2008
alim_kohkan@yahoo.com
